យោងតាមការសិក្សាមួយចំនួនបានបង្ហាញថា ភាពតានតឹងមានអត្ថប្រយោជន៍ចំពោះអ្នក ប្រសិនបើភាពតានតឹងនោះកើតឡើងត្រឹមរយៈពេលខ្លី ហើយអ្នកអាចគ្រប់គ្រងវាបានល្អ ។ ភាពតានតឹងខ្លាំង ដែលយើងមិនអាចគ្រប់គ្រងបាន វាអាចអោយមានការកើនឡើងនូវកម្រិតអរម៉ូន Cortisol ដែលបណ្តាលអោយប៉ះពាល់ដល់របាំងការពារស្បែក ស្ទះរន្ធញើស បង្កើនបញ្ហារលាកស្បែក និងពន្លឿន ភាពចាស់ ។ ដើម្បជុំរុញអោយស្បែកមានសុខភាពល្អ អ្នកត្រូវអនុវត្តតាមវិធីសាស្រ្តមួយចំនួនដូចជា ការគ្រប់គ្រងភាពតានតឹង និងមានការគិតវិជ្ជមាន ។ អ្នកត្រូវគេងអោយបានគ្រប់គ្រាន់ កំណត់ព្រំដែនក្នុងការធ្វើអ្វីមួយអោយបានសមរម្យ រៀនកំណត់អាទិភាពការងារ ឬ កាត់បន្ថយសកម្មភាពដែលមិនចាំបាច់ចេញពីគំរោងផែនការដែលត្រូវធ្វើ និងឆ្លៀតពេលសម្រាប់ធ្វើអ្វី ដែលអ្នកចូលចិត្ត។