សុខភាពគឺជាផ្នែកមួយដ៏សំខាន់សម្រាប់មនុស្សគ្រប់វ័យ ប្រជាជនកម្ពុជាភាគច្រើនតែងតែអាចប្រឈមជួបនឹងជំងឺទឹកនោមផ្អែម ដោយសារតែសកម្មភាពនៃការបរិភោគ ប្រចាំថ្ងៃ និងការយល់ដឹងអំពីជំងឺទឹកនោមផ្អែមនៅមានកម្រិត។ ដើម្បីជាផ្នែកមួយក្នុងការជួយដល់ប្រជាជនកម្ពុជាអោយជៀសផុតពីជំងឺទឹកនោមផ្អែម អរៀនដាបានអញ្ជើញវេជ្ជបណ្ឌិតជំនាញៗ ដែលមានឯកទេសទឹកនោមផ្អែមចាំជួយពិគ្រោះ និងព្យាបាលដល់ប្រជាជននៅក្នុងប្រទេសកម្ពុជា៖ ការព្យាបាលមានតម្លៃសមរម្យ វេជ្ជបណ្ឌិតឯកទេសមានជំនាញច្បាស់លាស់ មានបទពិសោធន៍ច្រើនឆ្នាំ។
ទាំងនេះគឺជាសេវាកម្មដែលមាននៅអរៀនដា
ជំងឺទឹកនោមផ្អែម ប្រភេទ ១ ៖
       ជាប្រភេទជំងឺប្រឆាំងប្រព័ន្ធការពារខ្លួនឯង ដោយប្រព័ន្ធការពារ បំផ្លាញកោសិកាក្នុងលំពែង (កោសិកាបេតា) ដែលជាកន្លែងបង្កើតអាំងស៊ុយលីន។ ចំណែកមូលហេតុនៃការបំផ្លាញកោសិកានេះ ពុំទាន់មានការបញ្ជាក់ច្បាស់នោះទេ។ ជំងឺប្រភេទនេះ កើតមានប្រមាណ ១០% ប៉ុណ្ណោះ។
ជំងឺទឹកនោមផ្អែម ប្រភេទ ២ ៖
        កើតឡើងនៅពេលរាងកាយប្រឆាំងនឹងអាំងស៊ុយលីន ហើយកំរិតជាតិស្ករ កកើតច្រើននៅក្នុងឈាម។
ជំងឺទឹកនោមផ្អែមពេលពពោះ ៖
        ជាការកើនឡើងជាតិស្ករខ្ពស់ក្នុងឈាម អំឡុងពេលពពោះ ដោយនេះបណ្ដាលមកពីការរាំងខ្ទប់អ័រម៉ូនអាំងស៊ុយលីន ដែលផលិតដោយសុក។
បម្រុងទឹកនោមផ្អែម ៖
         កើតឡើងនៅពេលជាតិស្ករកើនឡើងខ្ពស់ជាងធម្មតា តែវាមិនទាន់គ្រប់គ្រាន់ក្នុងការកំណត់ថា ជំងឺជំងឺទឹកនោមផ្អែម ប្រភេទ ២។