ផ្នែកសេវាកម្មអាហារ The Pinto ត្រូវបានបង្កើតឡើងនៅប្រទេសកម្ពុជាក្នុងឆ្នាំ ២០១៨ ដោយសហស្ថាបនិកជនជាតិខ្មែរ និងថៃ ក្នុងគោលបំណងផ្តល់ការប្រឹក្សាអំពីអាហារូបត្ថម្ភ ចំណីអាហារនិងការផ្តល់សេវាកម្មអាហារនៅក្នុងមន្ទីរពេទ្យឯកជន និង មជ្ឈមណ្ឌលសុខភាព។ តាមរយៈបទពិសោធន៍ជាច្រើនឆ្នាំរបស់ផ្នែកសេវាកម្មអាហារ The Pinto គឺពួកគេផ្តល់នូវការធានាក្នុងការអនុវត្តន៍នូវសេវាកម្មអាហារដោយគោរពទៅតាមស្តង់ដារ GMP, HACCP និង PCI7.4 QMC ។ The Pinto គឺជាអ្នកជំនាញផ្តល់នូវសេវាកម្មអាហារដែលមានបទពិសោធន៍ អាចជួយសម្រួលនិងគាំទ្រដៃគូសហការឲ្យទទួលបាននូវការទទួលស្គាល់ពីគណៈកម្មការចម្រុះអន្តរជាតិ (JCI) ។ ពួកគេផ្តោតសំខាន់ទៅលើគ្រប់ផ្នែកទាំងអស់នៃដំណើរការថែទាំតាមរយៈការផ្តល់នូវអាហារូបត្ថម្ភដែលរួមមានដូចជា ការពិនិត្យ ការផ្តល់អនុសាសន៍ ការវាយតម្លៃ ការការពារ និងការតាមដានសុខភាព ។ ពួកគេត្រូវបានស្គាល់ថាជាអ្នកផ្តល់សេវាកម្មអាហារូបត្ថម្ភដែលល្អបំផុតដែលរួមមានសេវាកម្មដូចខាងក្រោមនេះ៖
– របបអាហារសម្រាប់អ្នកជំងឺទឺកនោមផ្អែម និង អ្នកដែលមានរបួសខួរក្បាលធ្ងន់ធ្ងរ (ជំងឺតម្រូវឲ្យមានការព្យាបាល)
– សុខភាពអ្នកជំងឺដែលត្រូវការដំបូន្មានអំពីរបបអាហារ
– ការបណ្តុះបណ្តាលអំពីមូលដ្ឋាននៃអាហារូបត្ថម្ភ
– របបអាហារដែលតម្រូវឲ្យមានការកិនអាហារចូលគ្នា, អាហារសម្រន់
អ្នកឯកទេសខាងផ្នែកចំណីអាហាររបស់ពួកគេដើរតួយ៉ាងសំខាន់ក្នុងការផ្តល់នូវដំបូន្មានអំពីក្រុមអ្នក ជំងឺដែលងាយនឹងទទួលការរងគ្រោះ។ អ្នកគ្រប់គ្រងទៅលើគុណភាពនៃសេវាកម្មគឺផ្តល់នូវការបណ្តុះបណ្តាលដល់សមាជិកបុគ្គលិកតាមរយៈការអនុវត្តន៍ផ្ទាល់ទៅលើការរក្សាអនាម័យក្នុងផ្ទះបាយនិងការផ្តល់សេវាកម្មអាហារហើយបុគ្គលិកទាំងអស់នោះនឹងត្រូវបានបណ្តុះបណ្តាលឲ្យក្លាយទៅជាសមាជិកក្រុមដ៏មានសមត្ថភាពនៅក្នុងមន្ទីរពេទ្យ។ សុវតិ្ថភាពចំណីអាហារគឺជាផ្នែកមួយដ៏សំខាន់នៅក្នុងដំណើរការទាំងមូលជាពិសេសនៅពេលរៀបចំអាហារនិងលើកអាហារទៅឲ្យអ្នកជំងឺសម្រាកពេទ្យដែលងាយនឹងឈឺដោយសារជំងឺដែលបណ្តាលមកពីរបបអាហារ ដោយសារតែស្ថានភាពសុខភាព និងការថយចុះនូវប្រព័ន្ធភាពស៊ាំរបស់ពួកគេ ។ លើសពីនេះទៅទៀត ម៉ីនុយអាហារនៅក្នុងមន្ទីរពេទ្យយើងគឺផ្អែកទៅលើតម្រូវការនៃការព្យាបាល ចំណង់ចំណូលចិត្តរបស់អ្នកជំងឺ ភាពខុសគ្នា គុណភាព និង រសជាតិអាហារផងដែរ ។